Ardiido Lesdi Naajeejeeriya Bola Tinubu tabitini ummaatoore Lesdi Naajeeriya dow fakat be tammi botiraaki bee taskaram hesditinki Lesdi Naajeeriya nder Galluuje’e Labbaaje fu.
Ardiido on wolwi haalakan haa ragare lamar moobtorde ko laarani kilantaaji riskuuji ko wada haa Abuja Laamorde Lesdi Naajeeriya.
O tefri wakiili’en (NEC),tawaabe haaton nder mabbe woodi ngomna’en, teddube golloobe kuude ngomnati,be kampaniiji enanta luttube kastaabe dow be besda tiinaare sanne ngam yiiki be hewtani yidannde ummaatoore Lesdi Naajeeriya.
Giidal ngal do mari taakiyaare“huuwuki kuude jahargal yeeso dum hesditinta tammunde nder taskaramji mabbe.”
Ardiido on omti joonde giidal ngal be tefre kuude kanndude ,kawtal kopi,needi,daruki darned haa kuugal ngal ko yaadata be diidaadi taskaramji mabbe ngam hesditinki tammunde ummaatoore Lesdi Naajeeriya.
Mo luutani ardiido on hooreejo wakiili’en majaliisaaru ndotti’en, Godswill Akpabio, wi Tinubu faami ko hesditinte fu naadum lamar dum taskaramji on ko yidi sattinki terde,munyal,anniya boddi haa Ardiibe.
Non wadi O mani tiinaaje hooreejo NEC, ballo maako Kashim Shettima bee daruki darnede ngam yiiyiki ko huuwete fu hebi jahargal yeeso no haandi.
Non kadima ngomna’en,minista’en,wakiili’en,ardiibe golle ngomnati mooble kampaniiji be joonde ko’emaabe fuu dalaaka baawo hebi manoore haa ardiido
SADIQ ALFA
