Ministaajo fada lamorde leddi Najeeriya Abuja (FCT), Mr Nyesom Wike, holli duuw gannuudi bondi siyasa fe’ata ha jiha Rivers do baddeeke waruugo ragare laruugo jonta Ardiido leddi Bola Tinubu nandi hunduko mum nden bo wallan ngam yiigo kala billaaji siyasa fu timmi ha jiha kan.
Ministaajo on famtini bannin on ha wakkati nde o hallidanno be tefoobe kubaruuji titanta o lartanno kude godde de o dogginta ha nder fada lamorde leddi Abuja.
Wike beddi wiigo nde jonta Ardiido leddi nadi hunduuko mumm wola seko sam o wautan billaaji lure de ngoni hakkunde majalissa jiha Rivers be ngomnaajo jiha kan Siminalayi Fubara.
Nde jababanno nyamde daga ha tefoobe kubaruuji, Wike manni Ardiido leddi be yaunuugo ho’a jabruude kanduude ha duuw fiiji siyasa jiha Rivers.
A BELLO
