Ngomnaajo Jihawol Kano, Abba Yusuf, yottini kofli maako yaaki ummaatoore yiidube ‘e hasaru mootawa ko wadi haa Kwanar Barde,dow buwaangal yaaki Hadejia nder galluure Gezawa ko wadi sanadu halker Himbe ko hewtani 7.
Tumbaljo maako, Sunusi Bature, kanyum on suuditi haalakan bee wannginki no ngomnaajo on hollii suno muudum sanne.
O yottini kofli foofo maako yaaki Lenyol sooyibe yonki mabbe nden nouniibe bo ALLAH hokkube daama.
O hokki hukuumawa hakkilanta shaanu njamu haa Jihakan umroore tabitina nyawbeben wonbe haa nyawndorde do hebi nyawndiigu mere wala njobdi nden hooranaama hakkiilo sanne.
Kadima ngomnaajo on tefri hukuuma hakkilanta hakke innu adama hoora hakkiilo dow haalakan ngam wada ko haandi bee jawdum nden o barri marbe mba’ante makko makko hoora hakkiilo haa laanyol mabbe ngam usta hasaruuji dow baruye.
Hukuuma hakkilanta shaanu baruye nga (FRSC), lisal Jihawol wi tabitini sooyuki yonki Himbe 7 haa giifan.
Mo hakkilanta shaanu kubaruuji hukuumawa ngan, CRC Abdullahi Labaran kanyum on suuditi haalakan.
SADIQ ALFA
