Hooeejo wakiili’en majaliisaabe ndotti’en , Senator Godswill Akpabio, umri wakiili’en ben taskana giida nyennde Salaasa,10 Lewru February, 2026.
Haalakan wurti haa hunduko Emmanuel Odo, tumbaljo wakiiliijo on bee wiiki giidal ngal wadete njamdi 12 Naange to jam.
Odo besdika bee wiiki be tefri wakiili’en ben fu wara giidal ngal ngam kimminiika wolwete ko waddanta Lesdi Naajeeriya jahargal yeeso.
Niiman wadaama on bawti haa’o ttiral hakkunde majaliisaabe ben ko laani diidaadi cubi haa joonde mabbe yawtunde.
Wakiili’en ben wobbe Sali yerduki bee taskaramji firlitol diidaadi din bee wiiki woodi gannudi goddi nder maaka.
Senator Enyinnaya Abaribe(APGA,mo Abia Fombinaari), kanyum on yecci kubaru’en haa Abuja dow wakiili’en be wobbe yerdaaki ba haalakan.
Nder mabbe woodi Abaribe, Abdul Ningi(PDP, Bauchi cakantaari); Austin Akobundu(PDP, Abia Cakantaari); Peter Jiya(PDP, Niger Fombinaari); Ireti Kingibe(ADC, FCT); Victor Umeh(LP, Anambra Cakantaari); enanta Binos Yaro(PDP, Adamawa Fombinaari).
Kabeeb Mustapha(PDP Jigawa Fombina walaadu Hirna); Khalid Mustapha(PDP Kaduna Hirnaange); Mohammed Onawo(ADC, Nasarawa Fombinaari); Aminu Tambuwal(PDP, Sokoto Fombinaari); Tony Nwoye(LP, Anambra Hirnaange); Natasha Akpoti-Uduaghan(PDP, Kogi Cakantaari)enanta luttube.
SADIQ ALFA
