Ballo Ardiido leddi Najeeriya Kashim Shettima manni ngomnati jiha Imo be wallinde ko ngomnati man hokki hedi fiiji siyasa, ema mballa bantuuki daraja risku leddi, hautaade be kautal hoore ummatoore duum be kabdi nder duubi ko dillanta shappan e juwi ngam yiigo leddindi hebi jahool yesso.
Shettima wadi manoore nden on nyande asawe do nde o yaliriino ha lamar heutuuki jiha kan duubi 50 ko ga tiggiira, o holli yesso makoo be kude jahool yesso ko jiha kna hedi nder duubidin.
VP Shettima yilli jiha kan on ngam o lutiina Ardiido leddi Bola Tinubu ha lamar majum nden bo o yottiini kofngool Ardiido on bana no wowi ha adi ngomnati leddindin.
O manni ngomnaajo jiha kan Hope Uzodimma, be tinaare we’itikki kude maude ema nyiballo wuro ngon ko o lari ha ngilla kan.
A BELLO
