Hooreejo Sooja’en (COAS), Lieutenant General Waidi Shaibu, wadi giidal bee nanta ardiido mallabo hooreejo Sooja’en Lesdi Faransa gondo haado Lesdi Naajeeriya, Colonel Stéphane Useo, haa hodorde ngomnati haa Abuja Laamorde Lesdi Naajeeriya.
Giidal mabbe man huusitani dow ko laarani kawtal kopi no sembidinirta shaanu rento hakkunde Lesde den 2 musamman ma ngam hurga gannudi rento haa Lesdi Naajeeriya.
Lieutenant General Shaibu mani tiinaaje Lesdi Faransa bee taskaramji mabbe musamman ngam walluki Lesdi Naajeeriya.
O tinndini boddi kawtal kopi man sanne hawtaade bee wiiki nafan masin ngam woodi kabbidal kuude elto, nyibuki walde Sooja’en hawtaade bee feesinki are kuutinirteedum.
Non kadima Colonel Stéphane Useo mani tiinaaje Lesdi Naajeeriya musamman ngam yiiki joonde jam warti haa kootoy bakkeeje Lesdi ndin.
O tefri rentoobe sooja’en besda tiinaare sanne haro sembidinki golle mabbe dum yaadata bee jamanu mgan yidaynde mabbe hewta.
Colonel Useo besdika bee anndinki on dow Lesdi Faransa do dari darned sottoowo ngam walluki Lesdi Naajeeriya hedi shaanu rento ngam wurta billaaji di be ngontiri ngam rento.
SADIQ ALFA
