Ardiido Lesdi Naajeeriya Bola Tinubu hokki umroore yaaruki walde sooja’en haa galluure Kaiama nder Jihawol Kwara wayla cakantaari Lesdi Naajeeriya haa nokkuure nde turtube book haram halkata ummaatoore ‘e jawle mabbe.
Haalakan wurti on bawti giidal Ardiido on beenanta hooreejo sooja’en nyennde Alarba nananta tumbaljo Ardiido on anndini, Mr Bayo Onanuga.
Bananta ko jawaabu ardiido on sappi bee anndinki on dow omtuki walde nden haa giifakan wadaama on musamman ngam hurguki gannudi turtube huuwata haa bakkeeje den on.
Kasdima ardiido on besdika bee wiiki niido waddanan ummaatoore haa nokkuure nden entanbe ‘e jawle mabbe.
Nden ma O tefri kawtal kopi hakkunde ngomnati Jihakan enanta ngomnati kawtal Lesdi ngam huuwuki kuude den nafooha haa Jihakan hawtaade bee wadanki suuyube yonki mabbe enanta lenyol himbe ben do’aa.
SADIQ ALFA
