Majalissa ndotti’en leddi Najeeriya yembi Justice Olubunmi Oyewole lotiimo labbiniimo sarai ngam o lammine goto nder hitoobe ha hitordu maundu ndu leddi watau Supreme Court bawo nde Ardiido leddi Bola Ahmed Tinubu yerbaani majalissa kan ende makko ngam o yembe.
Horeejo commitiiru fiiji kita ha sare majalissa kan Senetor Adeniyi Adegbonmire on jangi derewool yembaaki makko mai ha yesso bibbe majalissa man yaliriibe jonde nde doggina nyande salasa, o wii onmai yembama nden bo lotaama bawo nde be widiti kude makko be bawaal kita ka o huuwi nder duubi shalinoodi.
Nde o janginanno majalissa’en ben rahotoowol linchitaaki commitiiru ndun, Senator Adegbonmire beddi wiigo commitiiru ndun tokkiti kala kude de onmai huwiifu nden bo be tabitini o goddo on labdo mo wola pattarle fere nde hadatamo lammineego ha hitordu maundu ndu leddindi.
A BELLO
