Ministaajo fiiji shakkol habaruuji e finditinool ummatoore leddi Najeeriya, Mohammed Idris, dabbitiri dereke’en ummutoobe duuw be naftira be wakkati ko Allah hokkibe ha dogginki kude de nyibata ngurdaam mabbe heba no jango welinabe.
Ministaajo on wadi yonandu ndun on ha lamar entuugo fukaraabe nde jami’are bawaangu maraal ngomnati mobgaal leddi watau, Federal University of Technology (FUT), wonde Minna, fada lamorde jiha Niger nyande saswe do.
Idris tabitini sukaabe leddindi duuw ngomnati Ardiido leddi Tinubu’wangini taskaramji boi di wallata ngurdaam ummotoobe ngammai handi dereke’en naftora be bososeel ngel dabbitina ko’e mabbe sana’aji di wallataabe ha fiiji mabbe di hande ejango.
A BELLO
