Ballo Ardiido leddi Najeeriya Kashim Shettima umti kude nyiballo kare nanool belduum ha wuuro Tudun Biri nder taire hukuuma pamara chikun ha jiha Kaduna bawo duubi didi ko pirowaal soja’en asama rufiino hite ha duuw himbe wadoobe lamar Maulidi.
Ngomnati mobgaal leddi Najeeriya eftiino alkawaal loruugo nyibita wuro gon hautaade be wannuukibe kare nanool belduum ngam heba ustinabe torra ka pirowaal mai torribe, be nyibinibe chi’e waluugo 133, jangirle jamanu, eko nandi e non.
Wakkati nde Ballo Ardiido leddi yilliino wuro gon nder leuru December 2023, tabitininobe duuw ngomnati wannanbe kala ko handifu, ngammai on jonta be umti kude dogginki nyiballooji fere fere ngam nanool belduum ummatoore gifakan.
A BELLO
