Nde leddi Najeeriya tokki lottuude lesde ha dogginki lamar nyalomare burnuuki Hijaabi nde duniyaaru, Koreejo Ardiido leddindin Oluremi Tinubu, wii odo salmina robe julbe be anniya waduuki Hijabi ha ballimabbe, je o holli do beddinabe daraja ha gite duniyaaru.
Ha jawaabu makko je dogginki lamar kan ha Najeeriya, Mrs Tinubu lori manni robe julbe be ho’oki lawool bongool ngol suruuki balli mabbe bana no jaumiraawo umriibe ha dina Islama.
O dabbitiri luttube ummatooje nder leddindi duuw yembita robe julbe be anniya surungal bongaal ngal be surata ko’e mabbe, hautaade be darjidinki dina ka be wooni nder.
Oluremi Tinubu wanni robe julbe barka be nyalomaare nden, nden o yonitiribe duuw be bedda tinaare surungaal ngal Allah umribe be sura.
A BELLO
