Ciimaabe kuude hesditinki tammunde be Lesdi Naajeeriya lisal Jihawol Sokoto hunni golloobe kuude den haa hukuumaaji pamari 23 jihakan.
Seyo lamar hunnuki wakiili’en benwadaama haa galluure Sokoto musamman ngam sembidinki taskaramji mabbe haa Jihakan bananta Ardiido Lesdi Naajeeriya Bola Tinubu yidi.
Nder jawaabu mo hakkilanta kuude den haa Jihakan, Haruna Sarkin Adiya, tinndini bee wiiki hunnuki wakili’en ben do nder ko sattinta terde mabbe nden bo walla kuude mabbe heba jahargal yeeso haa Jihawol Sokoto.
Kadima O tefri hunnaabe ben joga Amana nden doggina kuude mabbe ba bernde yidi.
O besdika bee wiiki fakat kuude mabbe jee hesditinki tammunde do wade on musamman ngam weltinki ngurndam ummaatoore Lesdi Naajeeriya.
Wakkatiire nden O limit boddi kuude Ardiido Lesdi Naajeeriya nder taskaramji mabbe di hesditinki tammunde bibbe Lesdi Naajeeriya.
Nder jawaabu hooreejo jam’iya APC lisal Jihawol Sokoto, Isah Sadiq Achida, kanyumbo moni nden holli yerduye muudu sanne ha hunnaabe hesbe.
Nden O tefri wakiili’en APC enanta ardiibe siyaasa fu haa Jihakan hawta kopi huuwana jam’iyawa ngan ko waddanta nga nasaraaku yeeso.
Musa Adar nder hunnaabe ben wi o tefri hunnaabe ben fu kawtal kopi bee jippina donngal ko be yowanibe hedi huuwuki ko haandi ngam hewtanki yidannde mabbe.
Be hunni wakili’en ben bee yidannde ardiido Lesdi Naajeeriya Bola Tinubu, ngomnaajo Jihawol Sokoto Dr. Ahmed Aliyu Sokoto, hooreejo taskaramka enanta ngomnaajo Jihawol Imo, Senator Hope Uzodimma, horeejo taskaramka mo wuttudu ngomnaajo Jihawol Kstina boymaajo Aminu Bello Masari.
