Ballo Ardiido Lesdi Naajeeriya Kashim Shettima yaarani Lamdo Jos Gbong Gwom enanta hooreejo Lamlambe Jos, His Majesty, Jacob Gyang Buba ngilla.
Ballo Ardiido on tefri ummaatoore Lesdi Naajeeriya habdana kawtal kopi enanta joonde jam hakkunde mabbe.
Kashim suuditi haalakan wakkati waliima dum ngomnaajo Jihakan Caleb Mutfwang enanta wobbe siyaasaabe be jam’iyawa (APC),taskani mo haa faada laamu ngomnati Jhakan.
Kadima ballo Ardiido on mani narral woni hakkunde hooreejo Jam’iyawa APC, Prof. Nentawe Yilwatda, enanta ngomnaajo on Mutfwang bee wiiki niiman waddan jahargal yeeso sanne haa Jihakan.
Ballo Ardiido on usi yeti ngomnaajo Jihakan enanta ummaatoore maako fu bee Liyaafa be hawtani mo.
Kadima ngomnaajo Mutfwang nder jawaabu maako O sappi bee wiiki odo nana beldum kuugal bee ardungal Ardiido Lesdi Naajeeriya Bola Tinubu enanta Bballo maako Shettima, bee wiiki niido wallan be masin haro sembidinki Lesdi Naajeeriya.
Gbong Gwom Jos bo tefribe besdaari tiinaare faaki shaanu rento ngam joonde jam tabita hakkunde mabbe haa Jihakan enanta Lesdi Naajeeriya No foti.
Nder doftiibe ballo Ardiido on woni hooreejo APC Professor Yilwatda; ngomnaajo Jihawol Nasarawa Abdullahi Sule; ballo tumbaljo boymaajo Idris Wase;enanta luttube teddube.
