Ballo Ardiido leddi Najeeriya Kashim Shettima do taskiti umtan taskaram tigguugo asusu ndu wallititta sukaabe be robe fu ha nder leddindi,ngam yiigo ngomnati hakkilani be ngurdaam mabbe nden bo hokkiibe bososeel ngel be darorta be kosde mabbe.
Lamar kan do taskiti doggineego nyande 28 leuru January do ha suudu hauritirde maundu wondu sare ngomnati ha Abuja.
Office ru Ballo Ardiido leddi on hautaade be kautaal koppi Sterling One Foundation, majalissa mobgaal lesde duniyaaru ka United Nations System, ema kautal ASIS partners, ngam waddina sukaabe ema robe bososel no be mballira koe mabbe.
Tinaare nden beddan hokkuugo dereke’en tammunde wonde nde be jiltorto be marre yesso nden hisnanbe kude kalluude ema jonde mere.
A BELLO
