Ballo Ardiido leddi Najeeriya Kashim Shettima warti Najeeriya bawo nde o yarilino ha hauritirde de bantuuki risku lesde duniyaaru duum doggina ha leddi Guinea-Conakry be leddi Switzerland.
Shettima yotti babal jippol pirooje nde Nnamdi Azikiwe wonde Abuja nyande asawe 24, leuru January do bawo nde lutani ARDIIDO LEDDI Bola Tinubu ha lamar hunnuuki Ardiido leddi Guinea’ Conakri subtaado kesso, Mamadi Doumbouya, hautaade be wakkingo leddi Najeeriya ha hauritirde yebre 56th je fiiji risku lesde duniyaaru duum hitande nde je doggina ha leddi Switzeland.
Ballo Ardiido leddi wadi jawabuuji boi ha moftorde den didi fu ha o famtini anniyya leddi makko haro dabbitikki laabi di bamtata daraja risku leddindin ema loruugo larta labi di beddinta leddindin cheede nastooje.
A BELLO
