Ardiido leddi Najeeriya Bola Tinubu yerdi be lamminki Ayodele Oke duuw timaado leddi Najeeriya ha FARANSA, be Colonel Lateef duuw timaado leddi Najeeriya ha America,be luttuube 68 be o lammini o yerbi lesde fere fere ha nder duniyaaru duuw lutina leddindin hedi timaaku je handi fudda huwuugo daga hitande rowani.
Ha habaruuwol ngool shakowo habaruuji ha office ru Ardiido leddi, Mr. Bayo Onanuga, wurtini habaruuwol mai famtini duuw Tinubu lori yerdi be lamminki Ambassador Aminu Dalhatu, duuw darnde timaado leddi Najeeriya ha Korea, fombinankere.
Bannin hukuuma hakkilinoowa lesde yaasi leddi din fu wurtini kasidawool ngol famtini duuw Ardiido leddi Tinubu lammini timabe pat, nden o dabbitiribe duuw be laato hebanoobe Najeeriya daraja ha giite duniyaaru, hautaade be jippingo duwngal ngal ngomnati yowaniibe.
A BELLO
