Hukuuma hakkilanta kuude jahargal yeeso bakkeeje wayla walaadu fuuna Lesdi Naajeeriya, NEDC, wi waddi nden tiggi are kuutinirteedum jamanu haa nyawndorde ko laarani Gite nder galluure Maiduguri Jihawol Borno ko hewtani ₦3 billionji nairaaje Ceede Lesdi Naajeeriya.
Haalakn wanngi on bawti timminki elto ko Laarani no naftirte Are den kesum jee shaanu nyawndiigu Gite dum be wadi hewti Asaweeje 2.
Kadima be sappi’e wiiki dow wadduki Are den ‘e elto ngon nafan sanne haa nyawndorde nden hedi bakkeeje wayla walaadu fuuna Lesdi Naajeeriya.
Nder jawaabu Ardiido hukuumawa ngan NEDC haa Jihakan, Mr. Goni Alkali wiido taskaramka wallan sanne haro sembidinki nyawndorde nden bee huuwuki kuude mabbe hedi laabi kanndudi ko yaadata bee Lesde yaasi nden nyawndiigu boosungu hebete.
Mr. Alkali wi be dari darned sottoowo ngam yiiki be hebi Are kuutinirteedum enanta yiiki nyawndorde haa wayla walaadu fuuna Lesdi Naajeeriya fu hebi ko mari haaji ngam ummaatoore heba njamu.
Nder tawaabe haaton woni, Professor Abdul Mohammed Mahdi mo janngirde Abubakar Tafawa Balewa University Teaching Hospital, Bauchi, kanyumma meti duudka nafooha ko wallata nyawndorde haa bakkeeje den.
SADIQ ALFA
