Ngomnati Lesdi Naajeeriya tiggi komitiwa ko hakkilanta shaanu golle ngomnati ko yaadata bee lLesde Duuniyaaru ngam kuude den heba jahargal yeeso nden besda sembidinki sukaabe nder Lesdi Naajeeriya.
Ministaajo mo hakkilanta shaanu janngirde, Dr Maruf Alausa, kanyum on tiggi komitiwa ngan haa Abuja laamorde Lesdi Naajeeriya bee wiiki niiman wadaama ngam hesditina golle ngomnati nder Lesdi Naajeeriya.
O wi Lesdi Naajeeriya haandi yaada bee no Lesde yaasi dogginirta golle mabbe ngam jahargal yeeso hebe nder Lesdi Naajeeriya.
Dr. Alausa besdika bee wiiki tigguki komitiwa ngan wallan hurga gannudi enanta wadduki jahargal yeeso sanne haa Lesdi Naajeeriya.
Kadima O besdika bee wiiki kampaniiji ma tammi botiraaki taskaramji din toni ha yidannde mabbe hewtaama.
Seketeriijo NBTE enanta ballo hooreejo komitiwa ngan, Professor Idris Bugaje, be subti himbe iga nokkuuje feere feere haa komitiwa ngan.
Komitiwa ngan ardinaama bee juude ministaajo shaanu janngirde , Professor Suwaiba Ahmad, enanta seketeriijo NBTE, Professor Idris Bugaje.
SADIQ ALFA
