Hukuumaaji haa Lesdi Uganda wartiri daldule maatootiral ko wobbe mbi bawti nayeejo mardo duubi 81 gondo dow laamu Yoweri Museveni lorti dow daddaare Laamu ngam wada waadu laamu kadima nde 7 amma nawlira’en Sali yerduki bee nasaraaku ngun.
“min wartiri daldal ngal ngam luumooku enanta be huutininirta bee man fu wada ko haandi,” David Birungi, tumbal kampaniwa hakkilanta shaanu maatootiral ngal Airtel haa Uganda (AIRTEL.UG), nga laati gootel nder kampaniiji mardi sembe hedi maatootiral haa Lesdi ndin.
O labbinika bee wiiki ngomnati Lesdi ndin on hokki umroore mabbuki laabi maatootiral man ngam gannudi cubi.
Hukuumawa ngan wi be hokkibe umroore mabbuki daldule maatoootiral ngam hurtguki gannudi wadefu wakkati cubi on haa juude nyidda baale’en.
Wakkere feerebo nawlira’en wi be wadi niiman on ngam hokka Ardiido gondo dow laamu no moslira cubi din on tan wala goddum feere.
Sappaama dow hebiido nasraaku ngun fuddi laamu iga hitaande 1986 nden bo holli dow kanko on laati tatabo nder Lesde Africa burdube neebugo haa daddaare laamutoni haa laamu maako kesum timmi 2031.
