Hooreejo sooja’en Lesdi Naajeeriya, COAS, Lieutenant General Waidi Shaibu wi no shaanu rento haa Lesdi Naajeeriya wontiri do yidi dabareeji ‘e hooranki hakkiilo sanne haro hurguki gannudi din nder Lesdi Naajeeriya.
General Shaibu suuditi haalakan wakkati O jabbanno taadiido kastaado mo Lesdi Amerika haa Abuja, yerbaado musamman ngam walla rentoobe Lesdi Naajeeriya bee dabareeji konu no rentirta ummaatoore ‘e jawle mabbe.
O besdika bee wiiki shi’a rento haa Naajeeriya jotta no wontiri do yidi kawtal kopi bee kastaabe ngam besda sembidinki yebre nden.
Kadima nder jawaabu directaajo haa gollirde sooja’en ben mo shaanu kubaruuji, Colonel Appolonia Anele, General Shaibu, kanyumma wi sooja’en Lesdi Naajeeriya laati doole be tefa walliinde ngam dartirde.
COAS wi Lesdi Amerika do nder Lesde Mawde marde sembe hedi kuude sooja enanta marki are kuutinirteedum kanjum on wadi Lesdi Naajeeriya yerdi bee walliinde mabbe.
Kastaado on yerbaado iga Lesdi Amerika, Lieutenant Colonel Semira Moore, labbinika bee wiiki Lesdi Amerika do dari darned sottoowo ngam yiiki narral mabbe bee Lesdi Naajeeriya do boosi nden sembidi shaanu rento nder Lesdi Naajeeriya.
SADIQ ALFA
