Ardiido leddi Najeeriya, Bola Tinubu manni ministaajo Fiji demeterle leddi, Senator Abubakar Kyari, be dogginki kude ware laare ha fiiji ndemri ema fesinki nyamande faaki ummatoore leddindin, ha fahin Ardiido on wanni mo barka be waduuki lamar numtuuki nyamaare danyuuki makko.
Ha habaruuwool ngool shakowo habaruuji ha office ru Ardiido leddi, Mr Bayo Onanuga, wurtini famtini duuw Tinubu manni Ministaajo on be kude kimminiide de o doggini ha wakkati nde o donno wakiliijo majaliisa leddindi, o lori o warti senatoojo nden bo o mediino jogago jamdiyya lamotooka ka APC ema luttuduum mukamuuji di Allah hokkimo ha leddindi.
Tinubu wii do numta Senator Kyari latiino commissionaajo ha wakkatiije dudde ha jiha makko Borno ha totton ma o doggini kude boi de jahool yesso ngammai o handanni maneego ema samdineego ha wakkati nde o heuti duubi goddi ha duniyaaru.
A BELLO
