Ngomnaajo jiha Plateau nder giifa shakanteere leddi Najeeriya, Caleb Mutfwang, hauri be luttuube nder duniyaaru doggini lamar numtaago be soja’en habdiibe be kude konu ha leddindi je hitande nde ha Jos fada lamorde jiha kan, ha o efti alkawaal hokkuugo wallinde makko hedi welnanki rentoobe soja’en ha jiha makko.
Lamar numtuugo be soja’en leddindi do doggiine kala nyande sappo e juyi leuru January fun gam samdina kude soja’en be tabitinki be mbelninama bana no handi ko kambe ko iyaluuji mabbe to be mainama,o mani be be darango kude rento ha leddindi o wii bo be resi tariiha masin ka leddindi yejjitittaako.
Ngomnaajo on mo ballo makko, Ngo Josephine Piyo, lutani ha lamar kan duum doggina ha hodorde soja’en nde Maxwell Khobe Cantonment, wonde Jos fada lamorde jiha kan, Mutfwang wii ngomnati makko wadan hakkilo masin ha hebango soja’en ko marata haaje fun gam sattina jokke mabbe ha dogginki kude rento bana no mara haaje.
A BELLO
