Seyo lamar numtuki goro’en sooja’en rentoobe haa Lesdi Naajeeriya haa jooni do wade bee jo’inki fulaawaaji ko hollata teddinki be sooyube yonki mabbe ngam rentol ummaatoore ‘e jawle mabbe haa Abuja.
Ardiido Lesdi Naajeeriya Bola Tinubu kanyumma ballo maako Kashim Shettima luutani mo faaki jo’inol fulaawa teddinol goro’en ben ngam O hebay yaalirki ton O dilli kuude ka golle haa Abu Dhabi, kawtal Lesde Arab’en Bawti ardiido on jo’ini jeemuudum nden hooreejo wakiili’en majaliisaabe ndotti’en, Godswill Akpabio, see tokkitiri tumbaljo wakiili’en majaliisaabe, Tajudeen Abbas mo ballo maako luutani , Benjamin Kalu,).
Kadima tokkitiri hooreejo kiita, Justice Kudirat Kekere-Ekun.
Haaragare minista’en bee luttube ardiibe Lesdi Naajeeriya tawaabe haa nokkuure nden fu hokki sabbungo yaaki rentoobe ben sooyube yonki mabbe.
Bawti nden on beadani be do’aaji musamman enanta hokkuki besdaari munyal yaaki Lenyol mabbe.
SADIQ ALFA
