Ardiido leddi Najeeriya Bola Tinubu holli jurum duum makko be wade Oba of Badagry, Wheno Aholu Menu-Toyi I, Oba Babatunde Akran, mo lataake lamdo maudo ha giifa Badakri jiha Lagos, mainaado nyande altiine salido.
Mainaado on mayi do marri dungu 89 ha duniyaaru,ha habaruuwool ngool shakowo habaruuji ha office ru Ardiido leddi, Mr Bayo Onanuga, wurtini nden wanningool jude famtini duuw Tinubu nani naungool masin be asar goddo yottuugo haaje ha giifa danyorde makko.
Tinubu tindini Oba Babatunde duuw goddo on mardo munyaal anduudo ardungal nden fabiido ummatoore nde o ardi, owi asar lamdo on na tan gifa Badakri tan wadi asar duum asar leddi fu no footi.
A BELLO
