Maudo soja’en leddindi hakkilinoowo hukuuma rento leddi (CDS), General Olufemi Oluyede dabbitiri soja’en dogginoobe kude rento ha nder leddindi duuw be bedda tinaare ema holuugo maskaare ha dogginki kude rento ngam yiigo be koni kala kude kalluude fu nder leddindi bana no mara haaje.
General Oluyede hokki sauruuye nde on ha wakkati nde hukkuam rento soja’en wadanno lamar numtaaki be soja’en mayiibe ha babe kou ema habdiibe be kude rento nder duubi shalinoodi duum doggina hodorde soja’e nde Mogadishu Cantonment, wonde Asokoro, nder galluure Abuja.
O numtini rentoobe ben duuw kala kugaal bongaal ngal be doggini ha jamanu mabbe fu tammi wanguugo ha yesso to wakkati yotti, o mani be be darango kude mabbe nden o efti alkawal bo duuw be welninte bana no bernde yidi.
A BELLO
