Hukuuma welninoowa hijjoobe ha jiha Gombe fuddi kude yembuugo njamu dilloobe kude hijju hikka ngam yiigo hukuuma kan famti duuw njamu kala mardo haje dilluugo kude hijju fu nder jiha kan, heba no kude den dogginire nder nasaraaku ema de’ende.
Seketereejo maudo mo hukuuma kan, Malam Sa’adu Hassan, wii kude yembaaki dilloobe kude hijju do nder anniyaji hukuuma kan wadata kala hitande fun gam tabitina njamu hijjoobe ema wannuuki be bade faddooje nyawuuji fere fere di wawata nangugo hijoowo ha wakkati kude hijju.
Malam Sa’adu fodi hakkilo dilloobe kude hijju man duuw be kokka hukuuma kan bawal bawo ema kautaal hore ngam heba be ngembe nder neddaaku ema tabitinki hukuuma kan famti kala njamu goto nder mabbe fu bako wakkati dilluugo kude den yotta.
A BELLO
