Hooreejo wakiili’en majaliisaaru ndotti’en, Senator Godswill Akpabio, tabitini naajeeriyaabe dow haa majaliisaaru ndun be wadan fodde bawde mabbe haro yiiki be wadi ko haandi ngam jam tabita nder Lesdi Naajeeriya.
Akpabio suuditi haa lakan haa haykaleeru mawndu ndu National Christian Centre ha Abuja laamorde Lesdi Naajeeriya wakkati ceyo lamar numtiki Sooja’en goro soytube jee 2026.
O besdika bee wiiki Goro ‘en ben mallabo Sooja’en soytube jaggani Leddi Naajeeriya sanne nder on waddi kawtal kopi enanta kuude kewdi di jahargal yeeso ko ‘en botirta beeman haa jooni nder Lesdi ndi’i.
O wadani soytube ben do’aaji nden golloobe bo Allah ni be wada boddi haa bura saaliibe jagganki Lesdi Naajeeriya.
Ministaajo shaanu faddo, General Christopher Musa (retired), kanyumma tinndini boddi goro’en ben musamman hedi ko laarani joonde jam Lesdi Naajeeriya.
General Musa mani tiinaaje Ardiido Lesdi Naaajeeriya Bola Ahmed Tinubu bee wambuki baawo hukuumaaji rento ngam yiiki ummaatoorer ‘e jawle mabbefu rentaama.
Kadima ministaajo on yurmi lenyol goro’en ben bee tabitinki be dow ngomnati yeggitittaabe sam.
SADIQ ALFA
