Kawtal hakkilanta shaanu nyaw ladde nder Lesde Duuniyaaru fu nga (UICC) anndini wiiki dow lamar nyaw Ladde ko watt ender hitaande fu do hikka 2026 wadete 4 nder Lewru February, bee taskaramji kastaadi ‘e waytinol ko’e ummaatoore ngam yiiki be faddi nyaw ngun nden be nyawndi marbe ngu bo nder Lesde duuniyaaru fu.
Nder jawaabu UICC, haa Abuja Laamorde Lesdi Naajeeriya labbini ka bee wiiki dow lamar hikka wardan bee saman ‘e taakiyaare mardum inde bana “United by Unique,” nder nasaraare dooman saawi nyawndiigu,fadduki,hakkilanki ‘e luttudum ko nyawngun mari haaje fu haa mardo ngu.
Bananta no taskaniibe taskaramka sappi bee wiiki ko haandi wadana golloobe fu taskanaama ngam hewtinki yidannde mabbe be hurga gannudi fu.
Kadima be wi be moobi bayaanuuji kewdi haa bakkeeje fu burde’e sorke ngam hoytina kuude den to wakkati man wadi.
Lamar nyaloomaare nyaw Ladde do wade 4 Lewru February nder hitaande fu iga hitaande 2000, ngam hurguki gannudi batten yaw ngun hakkunde ummaatoore Lesde Duuniyaaru.
Kawtal ngal UICC omtaama nder hitaande 1933, ngam walla ko laarani nyaw ladde nga do mari wakiili’en ko hewtani 1,150 golloobe haa Lesde feere feere ko hewtani Lesde 170 nder Duuniyaaru.
SADIQ ALFA
