Ngomnati Lesdi habasiiniya fuddi yumminki piirooje haa riftorde piirooje mabbe kesum dum be majjini cede dow man ko hewtani $12.5 billionji cede Lesdi Amerika nden bo do sappi ‘e wiiki riftorde nden on burdi mawnuki haa nder riftorde piirooje nder Lesde Afrika fu toni haa timminaama dooko hitaande 2030 haa galluure Bishoftunder Lesdi ethopia.
Be hokki jihakan taskaramji omtuki Laabi piirooje ko hewtanta 4 haa riftorde nden nden jahakan do mari daayeenga bee Addis Ababa laamorde Lesdi Ndin bee kilomiitaaje ko hewtani 45 km (28 miles) hedi fombina walaadu fuuna giifakan.
Prim ministaajo Lesdi ndin Abiy Ahmed Ali wi “Riftorde piirooje nden haa Galluure Bishoftu do do mari ko haande riftorde piirooje Lesde yaasi godde ma wala nden kanjum on burdi mawnugo enanta marki ko haandi aran nnder Lesde Afrika fu haa ko taariiha sappi jatta.
Kadima riftorde nden do mari nokkuuje ko hoosata mba’ante piirooje ko hewtani 270 nden Himbe bo hoosan ko hewtani millionji 110 ummaatoore nder hitaande fu.
