Ballo Ardiido Lesdi Naajeeriya Kashim Shettima tabitini Naajeeriyaabe dow ardungal Bola Ahmed Tinubu taskani sembidini golle sooja’en Lesdi Naajeeriya no haandi ngam be doggina golle mabbe ba bernde yidi ko rentata ummaatoore enanta jawle mabbe.
Shettima wadi tabitinoore nden nyannde jumbaare haa juulurde mawnde nde haa Abuja laamordfe Lesdi Naajeeriya wakkati seyo lamar ‘e do’a numtuki nyaloomaare sooja’en sooyube yonki mabbe.
O tinndini boddi di sooja’en ben ko huuwani mallabo jaggani Lesdi Naajeeriya , kanjum wadi ngomnati Lesdi Naajeeriya heti 15 Lewru January fu ngam wadanki sooja’en ben Do’a.
Haa jawaabu ballo Ardiido on sappi bee wiiki nder ardungal mabbe be do wada fodde bawde mabbe ngam yiiki jam tabiti haa Lesdi Naajeeriya.
Shettima wadani sooyube yonki mabbe Do’a hokku Lenyol mabbe bo munyal nden luttube nder kuude bo Allah waynube hokkube nasaraaku haa kuude den nder Lesdi Naajeeriya.
SADIQ ALFA
