Ministaajo pamaro mo hakkilanta shaanu kuude njamu ‘e walliinde, Dr. Iziaq Adekunle Salako,omti taskaram golle mawde ko hewtani 5 haa nyawndorde nde anndira Federal Medical Centre (FMC), haa galluure Abeokuta, nder Jihawol Ogun ngam feesinki shaanu njamu nder Lesdi Naajeeriya.
Wakkati lamar omtorde nden, Dr. Salako wanngini seyo muudum sanne bee anndinki on dow doo dum hunnde on je jahargal yeeso haa Jihakan enanta Lesdi Naajeeriya fu.
O wadani ardiibe enanta luttube golloobe nyawndorde nden fu barka mabbe be nasti nder safuwol hebiibe taskaram hesditinki Lesdi Naajeeriya dum Ardiido Tinubu taski yottibe.
Dr. Salako besdika bee wiiki gollirde 5 ko omta do wallan sanne hedi nokkuuje ko haandi ngam howtina nyawbe yangadaaji.
Be hokki nokkuuje den inde yarbe bone mallabo jagganiibe Jihakan musamman bana ngomnaajo Jihakan Prince Dapo Abiodun,ngomnaajo Jihakan boymaajo Chief Olusegun Osoba, enanta Dr. Ade Abolurin.
SADIQ ALFA
