Ngomnaati jiha Adamawa nder giifa woila wolaadu fuuna leddi Najeeriya yerdi be dogginki kude maude de nyamata cheede ko dillanta naira billion 23 ngam hebango jiha kan kude jahool yesso ema welnanki ummatoore ngurdamji mabbe bana no mara haaje.
Kude de ngomnati jiha kan yidi dogging kesse hauri be kugaal nyibuugo sudu hauritirde maude nde lesde e lesde andiraaduum be International Conference ema nukkuure waduugo lamarji watau, Event Centre, hautaade be yajjingo babal pijirle nde jiha kan eko nandi e kude den.
Commisiionaaji fiiji shakkol habaruuji jiha kan , Mr. James Iliya, on famtini bannin man nde o hallidanno be tefoobe habaruuji tippungeel bawo nde majalissa dogginirngal kude ngomnati jiha kan wadiino jonde mum less Ardungaal ballo ngomnaajo jiha kan , Professor Kaletapwa Farauta, ha sare ngomnati wonde Yola fada lamorde jiha man.
A BELLO
