Ngomnati Jihawol Kwara bee jaaburuwa hakkilanta shaanu hijjoobe Jihakan anndini wiiki dow be timmini yaaruki hijjoobe mabbe Lesdi Ceniindi hikka.
Piirawal ragarewal haa Jihakan hoosi hijjoobe ko hewtani 140 nder mabbe woodi golloobe hukuuma hakkilanta shaanu hijju nga (NAHCON) 24 yummiibe haa riftorde piirooje nden Babatunde Idiagbon International Airport, Ilorin yaaki Saudi Arabia nyennde Alarba.
Nder yummiibe haa Jihakan yahiibe Lesdi ndin fu hewti 1, 533
Wakkati mo hakkilanta shanu diina islaama haa ngomnati Jhakan , Alhaji Ibrahim Dan-Maigoro nder hijjoobe wobbe kam yaarete macca hakkunde nyannde Alamiisa bee Jumbaare.
O mani tiinaaje golloobe NAHCON, iga be jiha bee be ngomnati kawtal Lesdi fu .
Hijjoobe ben wadani ardiido Lesdi Naajeeriya enanta ngomnaajo Jihawol Kwara Mallam Abdulrahman AbdulRazaq do’aaji timminki kuude nder jam ‘e jahargal yeeso.
SADIQ ALFA
