Sare majalissa wakili’en leddi Najeeriya dabbitiri hukuuma hokoowa mballa njauka nga National Emergency Management Agency (NEMA) duuw yauna hokka wallinde heunde faago gure yiduude be masibooji hendu ndudi eyelle ha giifaaji boi nder leddindi.
Ha fahin majalissa kan lori yonitiri hukuuma hokkowa mballa njauka kan duuw yauna linchita asarji ko wada ha nder gureeji din be jawaal musamman gure bana Jeddo, Ugbokodo be Ughoton nder taire hukuuma pamara Okpe ha jiha Delta eko nandi e maji.
Nde o waddano halakan ha yesso majalissa man , Mr. Etanabene, wii nebi ko majalissa kan hebi kubaaru asarji ko wada ha nukkuuje yiduude be masiibooji ndudi mai musamman je jiha Delta do laruugo irin jaule ko sankiti sababu hendu ndun.
A BELLO
