Ardiido leddi Najeeriya boimaajo ha wakkati laamu soja, General Yakubu Gowon (rtd), yonitiri Ardiibe kautaal hakkilinowaal yaake risku lesde Africa hirnankeeje ngal Economic Community of West African States (ECOWAS) duuw be joga kude kautaal man bana no tiggibe mangal jogiringal ha wakkati nde be umta ngaal.
Gen. Gowon wadi yonandu ndun on ha lamar heutuuki kautaal ECOWAS duubi shappan e juwi ko ngaal tiggira duum doggina ha jangirde eltol huwoobe lesde yaasi andiraande Nigerian Institute of International Affairs (NIIA) wonde jiha Lagos nder giifa fombina wolaadu hirnankere leddi Najeeriya.
Nde o mananno bodenga Ardungaal duum Ardiibe kautaal man habdata jonta Gowon manni manni General Gnassingbe Eyadema mo leddi Togo, be jahool yesso ko o hebaani kautaal man ha wakkati jamanu makko.
A BELLO
