Ministaajo fiiji matotiraal e finditinki risku yaake bawaangu ha leddi Najeeriya, Dr. Bosun Tijjani, wii yaake bawangu be matotiraal jamanu moftaani leddindin cheede ko dillanta dala million 191 hedi rufogo jarful ha lesde yaasi daga hitande salinde waruugo jonta je hollata be hebi beddaari dala million 22 ko be moftino ha duubi didi shaluudi.
Nde o wolwanno duuw hala beddari jahool yesso ko heba ha less ngomnati Ardiido leddi Bola Ahmed Tinubu, Dr Tijjani suditi duuw anniyaaji mabbe fu jonta be heba moftuuki cheede bana dala billion didi bako ragare hitande en wooni nder mum do.
Ministaajo on famtini bannin on ha wakkati nde o hallidanno be tefoobe habaruuji tippungeel nde be timmni jonde taskaram dogginki lamar heutuuki Ardiido leddi Tinubu duubi didi ha laamu, duum doggina ha sare ngomnati wonde galluure Abuja.
A BELLO
