Leddi Najeeriyya timmini kala taskaram mum fun gam hebuugo motaaji naftirteedi be hiite lamtarki bawo nde ngomnati leddi China efti alkawaal wadduugo motaaji din ha leddindin ngam rufa jarfu ha fiiji jahalle.
Timaddo leddi China ha Najeeriya , Yu Dunhai, on famtini bannin man ha wakkati nde o yillino ministaajo fiiji barkaaji leddi, Dele Alake ha office ru mum wondu Abuja fada lamorde leddi nyande altine do.
Dunhai holli himmidinaare kautaal koppi be leddi Najeeriya ngam fesina jamde ba’anteeje de naftorto be jairi hiite lamtarki bana o holli jonta duniyaaru fu hooti nafturgo be motaaji din, ngammai handai Najeeriya ache ha bawo.
A BELLO
