Ministaajo fiiji yaasi leddi Najeeriya, Ambassador Yusuf Tuggar, yaliran ha hauritirde maunde nde kaute Ardiibe lesde Africa ngal AU be ngal lesde nasara’en EU tammi donnigeego hakkunde 19 yahuugo 21 leuru May do ha giifa Brussels, Kingdom of Belgium.
Ha habaruuwol ngol shakowo habaruuji ha office ru ministaajo on , Kimiebi Ebienfa, wurtini nden wanningol juude sendanni tefoobe habaruuji nyande altine do ha Abuja ngol holli duuw ministaajo on hauran be tokara’en makko be lesde duniyaaru ha wakkati hauritirde nden.
Ministaajo on andini duuw ngadaal mabbe man horen hakkilo on ha hebango lesde duniyaaru jonde jam wautuugo billaji talakaaku ha lesde ummotooje, wautuugo billaji soinde rento ha lesde de jodaiki jam eko nandi enon.
A BELLO
