Ngomnati Lesdi Naajeeriya taskani kuude tappuki mba’ante mootaaji di huutinirte bee yiite lamtarki ,non wadi be hawti koppi bee Lesdi China wada rufayonta haa taskaramka.
Ciimaajo Lesdi Chaina gondo haado Lesdi Naajeeriya , Yu Dunhai, kanyum on suuditika wakkati O yaarano ngilla ka golle haa ministaajo mo hakkilanta shaanu barkaaji Lesdi, Dele Alake.
Dunhai besdi labbinki haalakan bee wiiki dow kawtal koppi bee ngomnati Lesdi Naajeeriya haa haalakan dum hunnde on ko waddata jahargal yeeso sanne hakkunde Lesde den 2n fu.
Kadima Dunhai wi barkaaji Lesdi ko Lesdi Naajeeriya mari besdi fooduki hakkiilo mabbe haa sembidini kabbidal narral hakkunde Lesdi Naajeeriya bee mabbe.
Non wadi haa O numti wolde hakkunde ardiido Lesdi Naajeeriya Bola Tinubu enanta Ardiido Lesdi China Xi Jinping wakkati be yiida ko laarani sembidinki narral hakkunde Lesde den.
Nder jawaabu ministaajo on mo shaanu kuude barkaaji Lesdi, Dele Alake,kanyumbo holli seyo muudum sanne bee warki maako ‘e taskaramji kuude kawtal koppi hakkunde Lesde den 2.
SADIQ ALFA
