Tubaljo majalissa wakili’en leddi Najeeriya, Mr. Abbas Tajudeen wii jamdiyya lamotooka ka All Progressives Congress (APC) do tamma himbe dudbe nanabe eggan daga jamdiyaaji fere fere warta ha nder maga nder balde de, ngam holluuki Najeeriya’en daraja ko APC marri ha leddindi.
Abbas ha fahin beddi wiigo jamdiyya APC on tan jamdiyya ka dogginta kude laamu democradiyya ha leddindi bana no alamaaji fu kolli.
Tubaljo majalissa kan famtini bannin on ha Kaduna nyande aswe salunde do nde be ngadino ngidaal marbe juude ha jamdiyya kan nder giifa woila wolaadu hirna leddindi.
Nde o wadanno jawaabu makko ha ngidal mai tubaljo majalissa kan holli seyyomum beno duniyaaru wartirta jamdiyya APC o holli kanju on yecchata Najeeriya’en duuw jamdiyya mabbe arti hebi nasaraaku eb belal bandu fu ha giite duniyaaru.
A BELLO
