Hukuuma hakkilinooru asusu wallitooru fukaraabe be cheede nyamalle ndu Nigerian Education Loan Fund (NELFUND) suditi duuw be yajjinan wallinde nyamamnde nden fa’uugo ha jangoobe andaal sana’aaji juude nadiraande be vocational skills centres ha nder leddindi duum be tammata fudduugo do be lebbi jeego to Allah munyi.
Directaajo maudo mo hukuuma asusu ndun Mr. Akintunde Sawyerr andini duuw handi jangoobe andaal sanaaji juude fu botira be wallinde nyamande nden ngam yiigo kambe ma be hoikitinaama ha yaake nde be dabbititta andaal jamanu.
O wolwi bannin on ha wakkati nde o wadanno jawaabu makko ha lamar finditinki fukaraabe hedi no be dabbititta nyamande nden ha jiha Enugu, o wii nyamande nden wurtinaama on ngam walla fukaraabe famda sembe’en nder leddindi.
A BELLO
