Ardiido leddi Najeeriya Ahmed Tinubu yotti giifa Rome, fada lamorde leddi Italy, ngam yalirki ha lamar hunnuuki horeejo masinke’en nde haikaleeru maundu watau Pope Leo XIV.
Tinubu yotti leddindin jippi ha babal jippol pirooje nde soja’en Mario De Bernardo Military Airport ha Rome bana misaalu jamdi jeego magariiba nyande asawe do nden ha wakkati man maube hukuumaaji ngomnati leddindin on hauri jabbiimo be teddinoore maunder bana no be woowi jabbuugo hobbe tedduube.
Ha habaruuwol wurtiingol daga ha fada Ardiido leddi man holli duuw Tinubu wadi jahangaal dilluugo Rome on ngam notuugo surngool hunnuugo Pope jo kesso lamminteedo ngam jogaaki Ardungaal haikaleeru maundu ndu Conclave of Cardinals.
A BELLO
