Tubaljo majalissa wakili’en leddi Najeeriya Mr. Abbas Tajudeen holli boote fadduugo kerri leddindi wanna kerri din rento kanduugo hautaade be rufoogo gite anda natoobe ema wurtoobe fun gam tabitina halluube natai leddindi jambi ummatoore.
Abbas wadi yonandu ndun on ha wakkati nde o wadanno jawaabu makko ha lamar entuugo fukaraabe nde jangirde eltool faddoobe kerri leddi watau, Royal College of Defence Studies (RCDS) nde hukuuma soja’en leddindi joogi nden hakkilinta duum doggina ha jangirde eltool soja’en faddoobe leddindi nde Nigerian National Defence College, wonde Abua fada lamorde leddi.
Abbas dabbitiri hore’en jangirde nden duuw wangina laabi ema dabareeji kanduudi di wallititta fukaraabe mabbe anda laabi kessi di jamanu no be faddirta leddindi ha gebe kerri marri.
A BELLO
