Ministaajo fiiji jairi hiite lamtarki ha leddi Najeeriya Mr Adelaabu wii leddi Najeeriya do marri haaje resuugo cheede ko dillanta dala million Temerre bakko heba nasaraaku fesinki hiite lamtarki ha leddindi ngam laruugo no kare kutinirteede hedi hiite ngen nawiiri ha lube duniyaaru.
Ministaajo on famtini bannin ha wakkati nde o hallidanno be tefoobe habaruuji ha fada lamorde hukuuma fiiji hiite lamtarki leddindi ha Abuja nyande salasa salunde o holli duuw dole on seeto ngomnati majjini cheede dudde bannin bakko hiite ngen dara nden feesa bana no komoi yidi.
O beddi wiigo ngomnati Ardiido leddi Tinubu do habda wolda be kampaniiji leddi China ngam heba nobe wariira Najeeriya be ruufa jarful dungu ha yebre hiite lamtarki heba no wallitiira ha fesinki nge bana no mara haaje.
A BELLO
