Ngomnaati mobgaal leddi Najeriya andini duuw be fuddi yobuugo cheede nyamande nde be jabiino ha asusu hokkuuru nyamalle duniyaaru watau, International Monetary Fund (IMF) duum be jabiino ha wakkati nyaawu konora wangiino COVID-19 jontaani be hokkibe dala million tati e tobbe nayi nden bo bedo taskiti be timmitinan njubdi din bakko ragare leueu do.
Nyamande nden jabaama on nder leuru April hitande ujune didi e nogas ha wakkati nde duniyaaru yidanno be oppere nyawu korona nden chede den naftoraama on ha wallutuggo ummatoore ema soduugo lekkiiji e pate faddooje nyawu ngun.
Nde o hallidanno be tefoobe habaruuji ha sare ngomnati leddindi wonde Abuja tippungeel bawo nde majalissa dogginirngal kude ngomnati mobgaal leddi timmini jonde mum, ministaajo fiiji shakkol habaruuji, Mohammed Idris, wii Ardiido leddi on umri be yauna be yobbida cheede den pat bakko ragare leuru do.
A BELLO
