Majalissa dogginirngal kuude ngomnaati mobgaal leddi yerdi majjinan cheede ko dillanta naira Trillion go’o e tobbe didi ha doggingo kude maude de jahool yesso ko nandi bana yaake fiiji pirooje, hitte lamtarki, ema laabi hakkunde jihaaji leddindi fu nooti ngam wurtina himbe ha nder billaji yidduugo laabi.
Ha joonde nde majalissa kan doggini ha Abuja less Ardungaal Ardiido leddi Bola Tinubu, famtini duuw ngomnati mobgaal leddi do marri anniyaji boi di bantuki daraja risku leddi ema horuugo hakkilo ha rufoogo jarful ha duuw kude maude.
Ministaajo fiiji kude leddindi Dave Umahi, on sudiiti bannin man nde o hallidanno be tefoobe habaruuji ha fada ngomnati leddindi tippungeel bawo joode majalissa kan.
A BELLO
