Sooja’en yerbaama bimbiire Alamiisa 8 lewru may 2025 yaaki galluure Izge nder jihawol Borno wayla walaadu Fuuna Lesdi Naajeeriya ngam hurga gannudi kippe ko yaara haa giifa kan tippungel do.
Haalakan wurti haa hunduko hooreejo mo hakkilanta shaanu kubaruuji sooja’en be Operation Hadin Kai .
Captain Ruben Kovangiya besdi ka bee wiiki wakkati kabe moddi hakkunde mabbe ko hewtani saa’aaji do wade sooja’en ben tiidi sanne haa wadi wobbe nder turtube ben sigi balmi mabbe wobbe bo doggi dali nokkuure nden.
Nder ko be jabti haa juude turtube ben woodi mba’ante mashinji 10,bindigaaji kastaadi ‘e pidirle bulletji.
Hooreejo on tefri sooja’en besda sattinki tyerde mabbe faaki kuude mabbe musamman ngam meeda turtube haa be ngoni fu nder Lesdi Naajeeriya.
SADIQ ALFA
