Tubaljo majalissa jiha Edo nder giifa fombina wolaadu fombina leddi Najeeriya Mr Blessing Agbebaku, eggi daga jamdiyya PDP hooti jamdiyya APC kanyuum be tokkobe bawal bawo makko fu ha nder jiha kan.
Agbebaku, mo lataake tubaljo majalissa kan daga hitande ujune didi e nogas e tati waruugo jonta less tutawaal jamdiyya PDP andini dalilaaji makko ko wadi o hooti jamdiyya APC ema anniya ka o marri ha yesso daga jonta.
Tubaljo majalissa man eggidi be himbe makko fu ha nder mabbe hauri be Yekini Idiaye daga suborder Akoko-Edo ema Fada Sunday Igbiremonlen, mo lutinta suborder Esan shakantere ha majalissa kan.
Be be eggi jonta do jamdiyya APC do marri wakili’en nder majalissa man sappo e jetati.
A BELLO
