Ballo Ardiido jamdiyya PDP boimaajo ha leddi Najeeriya watau Deputy National Chairman, Chief Olabode George, wii ballo Ardiido leddi boimaajo Atiku Abubakar be ministaajo fada lamorde leddi Najeeriya mo jonta FCT Minister, Mr Nyesom Wike, dole mabbe be accha jamdiyya PDP na be wonnugo wakkati ngam be pat mabbe bedo wanna jamdiyya kan lauliraagu mettungu. Ngammai owi wola bote wonugo mabbe ha nder maga.
George, ha nder habaruuwol ngol o wurtini o holli duuw Atku be Wike fu bedo bara jamdiyya PDP nden bedo haba habre hallunde hakkunde mabbe habre nde wola bote ko sedda ngammai be didifu be yauna wurtuugo jamdiyya PDP be accha marbe haaje jamdiyya kan ha nder.
O mettini duuw ben mai diddo fu bedo habda on ngam be mbaranabe jamdiyya mabbe be habbere ngammai useni fu odo toraabe be egga daga jamdiyya kan be hota ha be yidifu. Kambe ka be sumiibe.
A BELLO
