Ardiido leddi Najeeriya Bola Ahmed Tinubu yonitiri Ardiibe lesde duniyaaru duuw haura juude matotira ha tinaare wautuugo billaji hamada duniyaaru ema wallutuugo nukkuje je marri billaji baili yaake duniyaaru.
Bola Ahmed Tinubu dabbitiri Ardiibe ben hokkindira bawal bawo ha fahin sankita kubaruuji yaake baili duniyaru man ha fe’ata fu ngam heba no billaji din wautuure be koiduum hautaade be ho’uugo jabruude kanduude ngam ta duum meta.
Nde o wolwanno nyande alarba do ha wakkati junde famtotiraal hakkunde marbe juude ja fiiji baili yaake duniyaaru duum doggina ha Abuja fada lamorde leddi Najeeriya Tinubu lori hesditini anniya ngomnati makko ha daruugo darnde sottowo ngam wauta billaji baili yaake duniyaaru jonde woore.
A BELLO
